Жон Терри фаолиятини якунлашга қарор қилди

Англия терма жамоаси ва Лондоннинг "Челси" клуби собиқ ҳимоячиси Жон Терри футболчилик фаолиятини якунлашга қарор қилди, дея хабар беради Mirror нашри.

37 ёшли футболчи "Астон Вилла"ни тарк этгандан сўнг эркин агентга айланди ва бутсаларини михга илишга қарор қилган. Энди у мураббийлик фаолиятини бошлайди, аммо бу билан телевидениеда ҳам ишлаши мумкин.

Маълум бўлишича, Sky Sports телеканали Террига эксперт сифатида ишлашни таклиф қилмоқда. Sky'да Жон мураббийлик фаолиятини бошлаш учун канални тарк этган франциялик Тьерри Анри ўрнини эгаллаши мумкин.