Жозе Моуриньо: Чемпионлик? Биз кучли тўртликда ҳам эмасмиз, қанақа чемпионлик?

"Манчестер Юнайтед" ва "Манчестер Сити" ўртасидаги фарқ 12 очко. Бизнинг жамоа боргани сари яхшироқ ўйин кўрсатмоқда. Бугун ҳам 3 та гол ўтказганимизга қарамай, ҳимоя чизиғи ёмон ўйнамади. Барчаси индивидуал хатолар туфайли келиб чиқди. Биз кўп голлар ўтказиб юбораяпмиз, аммо бунда барча айб ҳимоячиларда эмас.

"Юнайтед" ва "Сити" потенциаль борасида фарқ қилади. Ўтган йилги иккинчи ўрин яхши натижа бўлган эди. Бу йил эса биз кучли квартет учун кураш олиб бормоқдамиз.

Бизни олдинда қийин тақвим кутиб турибди. "Челси", "Ювентус" ва "Манчестер Сити"га қарши ўйинлар кетма-кет келганида қаторасига 3 та учрашувда зафар қучиш имконсиз. Бугунги иштирокимизни ёмон баҳоламаслик керак. "Сити" учинчи голга қадар ғалаба қозониш қийин эканлигини билиб турди.

Чемпионлик учун кураш? Биз кучли тўртликда ҳам эмасмиз, қандай қилиб бу ҳақда гапиришим мумкин. Бизнинг эндиликдаги асосий мақсадимиз ҳам айнан кучли тўртлик. Кўрамиз, кейин нима бўлишини", - деди португалиялик мутахассис.