Кавани яна "Наполи"га қайтмоқчи

Football Italia нашри тарқатган хабарга кўра ПСЖ форварди Эдинсон Кавани яна "Наполи"га қайтиши мумкин.

Юқоридаги манбаага кўра уругвайлик футболчининг вакиллари неаполликлар раҳбарияти билан бу борада биринчи музокарани ўтказишган. Унга кўра Кавани “Наполи”га қайтиш учун маошининг камайишига ҳам рози. Таъкидлаш керакки, Каванининг оиласи ҳалигача Неаполда истиқомат қилади.

Маълумот учун, Кавани ПСЖ тарихидаги энг яхши тўпурар ҳисобланади. У жорий мавсум 7та ўйинда майдонга тушди ва рақиблари дарвозасига 5та гол уришга эришди.