Клопп янги мавсумда АПЛда "Ливерпул"нинг асосий рақиблари кимлар бўлишини айтди

“Ливерпуль” клуби бош мураббийи Юрген Клопп янги мавсумда премьер-лига чемпионлиги учун унинг жамоасига кимлар асосий рақобат қилиши ҳақида айтиб ўтди.

“Бизнинг мақсадимиз йилдан-йилга ўз ўйинмизни такомиллаштириб боришдир. Шундагина чемпионлик учун имкониятларимиз ортади. Лекин қолган жамоалар ҳам қўл қовуштириб ўтиришмаяпти. Масалан "Манчестер Сити" ҳамон фантастик формада, "Манчестер Юнайтед" ҳам шундай. Бу рўйхатга яна "Челси", "Арсенал" ва "Тоттенхэм" каби жамоаларни ҳам киритишим мумкин”, - дейди германиялик мутахассис.

Эслатиб ўтамиз, “Манчестер Сити” АПЛнинг амалдаги чемпиони ҳисобланади. “Ливерпуль” эса ўтган мавсумда 75 очко тўплаб, 4-ўринни қўлга киритган эди.