Косельни яна жароҳат олди

Лондоннинг "Арсенал" клуби ҳимоячиси Лоран Косельни яна лазаретга қайтиши мумкин.

Sky Sports тарқатган хабарга қараганда франциялик футболчи кеча "Манчестер Юнайтед"га қарши бўлиб ўтган ўйиндан сўнг тиббий кўрикдан ўтказиш учун тўппа-тўғри шифохонага олиб кетилган. Дастлабки тахминларга кўра Косельнининг жағи синган бўлиши мумкин.

Қайд этиш лозимки, 33 ёшли футболчи бундан 7 ой муқаддам жиддий жароҳат олган ва шундан буён эндигина майдонга қайтган эди.

Эслатиб ўтамиз, МЮга қарши ўйинда шунингдек “канонирлар”нинг грециялик ҳимоячиси Сократис Папастатопулос ҳам жароҳат олган эди.