Ла Лига. "Атлетико" сўнгги дақиқаларда ғалабани илиб кетди

Мадриддаги "Ванда Метрополитано" стадионида кечган беллашув голларга бой ўтди. Ҳисобни 36-дақиқада Иньяки Уильямс очди. Иккинчи бўлимда Томас Парти мувозанатни тиклади, аммо яна 3 дақиқа ўтар-ўтмас яна Уильямс бильбаоликларни ҳисобда олдинга олиб чиқди.

Учрашув сўнггида эса Диего Симеоне шогирдлари ирода кўрсатиб, нафақат мувозанатни тиклашди, балки, ҳисобда олдинга чиқиб олишга ҳам муваффақ бўлишди.