Лионель Месси машғулотларга қайтди

“Барселона” клуби ҳужумчиси Лионель Месси бугун жароҳатидан фориғ бўлиб, машғулотларга қайтди.

Аргентиналик футболчи 20 октябр куни Испания чемпионати 9-турида “Севилья” (4:2) билан бўлган ўйинда қўлидан жароҳат олган эди. Шундай қилиб у 11 кундан кейин яна сафга қайтди. Аввалроқ унинг тикланиши учун уч ҳафтача вақт кераклиги айтилган эди.

Месси бу мавсум каталонияликлар сафида барча турнирларда 12 учрашув ўтказиб, 12 гол ва 6 голли узатмага муаллифлик қилган.