Мадрид дербиси олдидан…
Бугун Испания Ла лигаси 31-тури доирасида “Сантьяго Бернабеу”да Мадрид дербиси бўлиб ўтади. Биз эса ушбу дерби олдидан сизларга турли қизиқарли фактларни тақдим этишда давом этамиз.
>>Мадрид дербиси тарихидаги энг яхши 5 тўпурар
>>“Атлетико” ва яна 5 та Роналдунинг Ла лигадаги севимли жамоалари
>>ЕЧЛ. “Боруссия Дортмунд” – “Монако” учрашувига оид фактлар
Статистика
• Ушбу жамоалар Испания чемпионатида 159 бор тўқнаш келишган ва “Реал” ҳисобида 86 дербидаги ғалаба мавжуд;
• Ла Лигадаги сўнгги 10 ўйиннинг 4 тасида “Атлетико” яна шунчасида “Реал” ғалаба қозонган. Қолган икки баҳс эса дуранг билан хотима топган;
• Жамоаларнинг бу мавсум Ла лигадаги энг яхши тўпурарлари:
“Реал”: Криштиану Роналду – 19 та гол
“Атлетико”: Антуан Гризманн – 14 та.
Ва яна…
• “Атлетико” 2000 йилдан то 2012 йилга қадар ҳамшаҳарларини бирор марта мағлуб эта олмаган;
• “Матрасчилар” ушбу нохуш анъанага 2013 йилда чек қўйишган. Ўшанда “Атлетико” Испания кубоги доирасидаги дербида “Сантьяго Бернабеу”дан ғалаба билан қайтган;
• Чемпионат доирасида сўнгги 7 дербининг 4 тасида Диего Симеоне жамоасининг қўли баланд келган;
• Шундай бўлсада, “бланкослар” 2014 йилдан буён халқаро майдонда “Атлетико”дан устун бўлиб келмоқдалар.
• Ҳозирда ҳар иккала жамоа ҳам сермаҳсул ўйин намойиш этиб келмоқда;
• Жумладан “Атлетико” сўнгги 6 ўйинда фақатгина бир бор ўз дарвозасидан тўп ўтказиб юборган холос;
• “Реал” эса сўнгги 10 баҳснинг фақатгина иккисида ўз дарвозасидан тўп олиб чиқмаган.
Бизнинг таҳиний таркибимиз:
“Реал”: Навас; Карвахаль, Пепе, Рамос, Марсело; Кроос, Каземиро, Модрич; Бейл, Бензема, Роналду.
“Атлетико”: Облак; Хуанфран, Савич, Годин, Филипе Луис; Коке, Габи, Сауль, Карраско; Гризманн, Торрес.
Тавсия этамиз:
- Ҳакамлар “Барселона”га ён босади(ми)
- “Ўзбекистон – Баҳрайн ўйинини эслаб” ёхуд Англияда ҳам шундай хато бўлди!
- Аҳмедов Ирисметовни қувиб ўтди ёхуд Ўзбекистон терма жамоаси тарихидаги энг яхши тўпурарлар
Шаҳзод Холбоев тайёрлади
Фикрлар