Матюиди: Роналду билан бирга ўйнаш ажойиб бўлар эди

Туриннинг “Ювентус” клуби ярим ҳимоячиси Блез Матюиди “Реал” ҳужумчиси Криштиану Роналдунинг “кекса синьора” сафига ўтиши борасидаги хабарларга ўз муносабатини билдириб ўтди.

“Очиғини айтсам бу зўр иш бўлар эди. Роналду сингари дунёнинг энг яхши футболчиси билан бир жамоада тўп суриш ажойиб. Бу нафақат “Ювентус” учун, балки футболчилар учун ҳам ажойиб бўлган бўлар эди”, - дейди Матюиди.

Эслатиб ўтамиз, бундан аввалроқ Роналду Туриндан ўзига уй қидиришни бошлаб юборгани ҳақида хабарлар тарқалган эди.