Месси Испания кубогидаги юбилей голини "Севилья" дарвозасига урди

Каталониянинг "Барселона" клуби форварди Лионель Месси кеча Испания кубоги чорак финал жавоб баҳсида "Севилья" (6:1) дарвозасини ишғол этишга эришди.

Эътиборлиси, бу 31 ёшли аргентиналик футболчининг ушбу мусобақада киритган юбилей 50-голи бўлди. Ушбу натижага эришиш учун эса унга бор йўғи 70та ўйин керак бўлди холос.

Маълумот учун, Месси фаолияти давомида ҳозирча Испания кубогини 6 марта қўлга киритган. “Барселона” сафида эса жами 663та ўйинда майдонга тушиб, ўз ҳисобига 579та гол уришга эришган.