“Металлург” – “Локомотив”: Превью

Мазкур жамоалар Ўзбекистон чемпионати олий лигаси доирасида бугунга қадар ўзаро 28 бор майдонга чиқишган бўлишса, мазкур учрашувлардан 4 тасида “Металлург” ғалаба қозонган. 8 та учрашувда томонлар очколарни бўлиб олишган. 16 та ўйинда эса омад темирйўлчилар томонида бўлган. Киритилган ва ўтказиб юборилган тўплар фарқи – 24:52, тошкентликлар фойдасига.
Бу йилги мавсумда жамоалар учинчи марта тўқнаш келишяпти. Биринчи босқичнинг Тошкентда кечган ўйинида 1:1 ҳисобида дуранг натижа қайд этилганди. Учрашувнинг 8-дақиқасида Диёржон Туропов киритган голга 76-дақиқада заҳирадан туширилган Павел Пуришкин аниқ зарбаси билан жавоб қайтарганди. Иккинчи даврада “Металлург” майдонида ўтган ўйинда эса бекободликлар 2:0 ҳисобида зафар қучишганди. Учрашувнинг иккинчи таймида Зоҳид Абдуллаев ва Муҳаммад Исаевлар киритган голлар маъданчиларга муҳим уч очкони тақдим этганди.

Қуйида мазкур жамоаларнинг Бекободда ўтказилган сўнгги етти учрашуви натижалари билан танишинг:

26.05.2018 “Металлург” – “Локомотив” – 2:0
18.08.2017 “Металлург” – “Локомотив” – 1:2
25.06.2016 “Металлург” – “Локомотив” – 3:3
12.03.2015 “Металлург” – “Локомотив” – 0:0
29.03.2014 “Металлург” – “Локомотив” – 0:4
05.05.2012 “Металлург” – “Локомотив” – 0:1
05.08.2010 “Металлург” – “Локомотив” – 1:0