Мончи яна "Севилья"га қайтиши мумкин

"Рома" клуби спорт директори Рамон Мончи яна ўзининг собиқ жамоаси ҳисобланган "Севилья"га қайтиши мумкин. Бу ҳақда Tuttomercatoweb нашри хабар тарқатмоқда.

Унинг Римдаги ўрнини эса “Рома” ва “Милан” клубларида фаолият олиб борган Массимо Мирабелли эгаллаши айтилмоқда.

Гап шундаки сўнгги пайтларда “Рома” кутилган ўйин ва натижаларни кўрсатмаётгани ортидан Мончи ҳам жиддий танқид остига олинмоқда ва шу сабабли ҳам у жамоадан кетмоқчи.

Эслатиб ўтамиз, Мончининг Римга келганига ҳали у қадар ҳам кўп бўлгани йўқ эди. У бундан 20 ой муқаддам “Севилья”дан “Рома”га келган эди. Мончи бунгача андалусияликлар сафида  14 йил фаолият олиб борган эди.

Маълумот учун, “Рома” айни дамда А Серияда 20 очко билан 7-поғонани эгаллаб турибди.