Monchining "Roma"dagi o‘rnini kim egallaydi?

“Roma” prezidenti Jeyms Pallotta mavsum yakunlangach jamoadan ketishi mumkin bo‘lgan sport direktori Ramon Monchi o‘rniga munosib nomzod qidirishni boshlab yubordi.

Unga ko‘ra “bo‘rilar” rahbariyati ushbu lavozimga “Inter” sport direktori Pero Auzilio nomzodini ko‘z ostilariga olib qo‘yishdi.

Eng asosiysi, Pallotta yangi sport direktori jamoaning asosiy qarorlarni qabul qilishda kamroq vakolatga ega bo‘lishini xohlamoqda.

Eslatib o‘tamiz, Ramon Monchiga “Arsenal” va “Sevilya”dan takliflar bo‘lmoqda.