Мората нега "Челси"да қолганини айтди

Лондоннинг “Челси” клуби форварди Альваро Мората “Милан”нинг таклифини қабул қилиб яна А Серияга қайтишни истамагани ҳақида гапириб ўтди.

“Мен ҳеч қачон “Челси”дан кетиш ҳақида ўйламаганман. Ёзда менга ишонишадиган Испания ёки Италияга қайтишим ҳам мумкин эди. Лекин мен шу ерда қолиб, вазиятни ўзгартиришга қарор қилдим. Иғвогарларга ниманидир исботлаш учун эмас, балки ўзим ва “Челси” учун.

Мен Лондондан уй сотиб олишни режалаштиряпман. Фарзандларим шу шаҳарда улғайиб, мактабга боришларини интизорлик билан кутяпман.

Мавсум эндигина бошланди ва мени бу ерда барча нарса қаноатлантирмоқда”, - дейди испаниялик футболчи.