Mourino nimadan norozi?

“Manchester Yunayted” bosh murabbiyi Joze Mourino Angliya kubogi chorak final bosqichi doirasida “Brayton” ustidan qozonilgan 2:0 hisobidagi g‘alabadan so‘ng o‘z fikrlarini bildirib o‘tdi.

“O‘yin natija kabi yaxshi bo‘lgani yo‘q. Biz g‘alabaga haqli edik. Ammo u qadar yaxshi o‘ynay olmadik.

Men himoyachilarimizning hujumga o‘tish chog‘idagi harakatlarini tushunmadim. Shuningdek, men hujumni bog‘laydigan futbolchilarimning o‘yinidan ham qoniqmadim”, – deb portugaliyalik mutaxassisning so‘zlarini keltirib o‘tdi VVC nashri.

Ma’lumot uchun, “qizil iblislar” kechagi  g‘alaba evaziga Angliya kubogining yarim final yo‘llanmasini qo‘lga kiritishdi.