Наманганликларга етадигани топилмаяпди

SPORTS.uz сайти ҳар турдан сўнг мухлислар ташрифи борасидаги статистикани тузиб чиқади. Бу гал ҳам ушбу анъана давом этади.

19-турга Суперлиганинг 6 ўйинини томоша қилиш учун стадионларга жами 45347 нафар томошабин ташриф буюрди. Бу кўрсаткич бир учрашувга ўртача 7557ни ташкил қилади.

Энг кўп мухлис Намангандаги “Навбаҳор” – “Пахтакор” қарама-қаршилигини кузатди – 21450. “Навбаҳор” ишқибозлари ўз суюклилари қаерда ўйнашидан қатъий назар уларни кўплаб мухлислар қўллаб-қувватлашмоқда.

“Тошкент дербиси”га 5722 томошабин келди.

Энг кам мухлис эса Қаршидаги “Насаф” – АГМК ўйинида қайд этилди – 2194. Балки бу кўрсатгич “аждарлар”нинг сўнгги пайтлардаги салбий натижалари билан боғлиқдир.

Қуйида ўн тўққизинчи турга келган энг кўп мухлислар кетма-кетлиги билан танишишингиз мумкин:

“Навбаҳор” – “Пахтакор” 1:0. 21450 томошабин

“Қизилқум” – “Бухоро” 0:1. 6588 томошабин

“Локомотив” – “Бунёдкор” 3:1. 5722 томошабин

“Металлург” – “Нефтчи” 1:0. 5415 томошабин

“Қўқон-1912” – “Сўғдиёна” 2:1. 3978 томошабин

“Насаф” – АГМК 0:2. 2194 томошабин