"Наполи" сардори учун Хитойнинг 5та клуби кураш олиб бормоқда

Италиянинг "Наполи" клуби сардори Марек Хамшик фаолиятини Хитойда давом эттириши мумкин.

Football Italia тарқатган хабарга кўра 31 ёшли словакиялик футболчи учун чин юртининг бирданига 5 нафар клуби кураш олиб бормоқда. Аммо, улар орасида "Гуанчжоу Эвергранд" ва "Хэбэй Чайна Форчун" клубларининг имкониятлари юқори баҳоланмоқда. Ушбу трансфер эса Хитойда трансфер деразаси очилиши билан амалга оширилиши кутилмоқда.

Маълумот учун, Хамшик жорий мавсум “Наполи” сафида жами 18та ўйинда майдонга тушди ва ўз ҳисобига 1та гол ҳамда 1та голли узатма ёздириб қўйишга эришди.