Нурмагомедовнинг отаси: Конорни кечирдим

UFC енгил вазн тоифасида чемпионлик камари соҳиби Хабиб Нурмагомедовнинг отаси Абдулманап, Конор - Хабиб учрашуви ҳақида ўз фикрини билдирди.

- Конорни кечирдим, унинг ҳатти-ҳаракатлари, айтган сўзлари ҳаммаси ўтмишда қолди. Бўлиб ўтган баҳсни таҳлил қилиб хатолардан хулоса қилиш даркор. Ватандошларим, оқсоқоллар билан суҳбатлашиб янги чўққиларни забт этишни ўз олдимизга мақсад қилиб қўйдик, - деб ёзиб қолдирди Абдулманап ўзининг Инстаграмдаги саҳифасида.