Йил давомида оғир атлетика бўйича Ўзбекистон терма жамоаси аъзоларини масъулиятли мусобақалар кутиб турибди. Бу ҳақда МОҚ матбуот хизмати хабар бермоқда.

Оғир атлетикачиларимиз мусобақаларга тайёргарликнинг биринчи босқичини 20 декабрь – 10 январь кунлари Чирчиқ шаҳрида олиб боришди. Унда қатнашган спортчиларимиз март ойида ўтказиладиган жаҳон чемпионатига тайёргарлик кўришди.

Ўқув-машғулот йиғинларида қизларимиздан Кумушхон Файзуллаева, Нигора Сувонова, Нигора Абдуллаева, Муаттар Набиева, Турсуной Жабборова, Долера Давронова, йигитларимиздан эса Оғабек Нафасов, Мирҳосил Мирзабоев, Асадбек Наримонов, Оғабек Тўхтаев, Муҳаммадқодир Тоштемиров, Зайнобиддин Маҳамадаминов, Акбар Имомназаров каби спортчиларимиз қатнашишди. Улар бир неча кунлик танаффусдан сўнг тайёргарликнинг навбатдаги босқичига киришадилар.

Маълумот учун, ўсмирлар ўртасидаги жаҳон чемпионати шу йилнинг 8-15 март кунлари АҚШнинг Лас-Вегас шаҳрида бўлиб ўтади.

Катталар ўртасидаги жаҳон биринчилигига эса сентябрь ойида Таиланднинг Паттая шаҳри мезбонлик қилади.

«SPORTS.uz» сайтида чоп этилган материаллардан нусха кўчириш, тарқатиш ва бошқа шаклларда фойдаланиш фақат таҳририят ёзма розилиги билан амалга оширилиши мумкин.

ТАҲРИРИЯТ ҲАҚИДА

Гувоҳнома: №1002. Муассис: «RENDER SYSTEMS» МЧЖ.

Таҳририят манзили: 100047, Тошкент шаҳри, Истиқбол кўчаси, 15-уй.
Электрон манзил: info@sports.uz.
Телефон: +998 71 233-78-98