Олейник UFC билан янги шартнома имзолади

Оғир вазнли аралаш яккакурашлар жангчиси Алексей Олейник UFC билан янги шартнома имзолади.

Маълумотларга кўра, шартнома бўйича жангчи промоушен таркибида яна 8 баҳс ўтказиш имкониятига эга бўлди.

- Кейинги рақибим ким бўлишидан хабарим йўқ, бироқ UFC билан янги шартнома имзоладик. Умид қиламанки, яқин орада октагонда кўришамиз, - деб ёзиб қолдирди Олейник ўзининг инстаграмдаги саҳифасида.

Эслатиб ўтамиз, Алексей промоушен таркибида 2014 йилдан буён иштирок этади, шу давр мобайнида у 6та баҳсда ғалаба қозонган ва 2 марта имкониятни бой берган.

Олейник оҳирги марта Россияда бўлиб ўтган UFC турнирида Марк Хантни мағлуб этганди.