Ўртоқлик ўйини. Швейцария Қатарга имкониятни бой берди

Лугано шаҳридаги "Корнаредо" стадионида кечган беллашув қитъадошларимизнинг 1:0 ҳисобидаги ғалабаси билан ниҳоясига етди. 

Учрашувдаги ягона гол 86-дақиқада Акром Афиф томонидан киритилди. Маълумот учун, Швейцария ўзининг навбатдаги учрашувини 18 ноябр куни Миллатлар лигаси 6-тури доирасида Бельгияга қарши ўтказади.

Осиё кубогига тайёргарлик кўраётган Қатар эса 19 ноябр санасида Исландия билан куч синашади. Мазкур ўйин Бельгиянинг Эйпен шаҳридаги "Кервег" стадионида бўлиб ўтиши режалаштирилган.