“Пахтакор” рақобатсиз чемпионатда чемпион бўлмоқчи
Тошкентнинг “Пахтакор” клуби биз учун эрта якунланган Осиё Кубоги-2019дан сўнг футбол жамоатчилигининг эътиборини ўзига қаратмоқда. Жамоанинг трансферлари кўпчиликни ҳайрон қолдириш билан бирга ўйлантирмоқда ҳам.
ПФЛ расмий сайтида ОЧЛ-2019 саралаши учун “Пахтакор” Азизбек Турғунбоевни ҳам рўйхатдан ўтказгани борасида маълум қилинди. ПФЛ Азизбек Турғунбоевнинг “Пахтакор” футболчиси сифатида рўйхатдан ўтказилиши жараёнида Тошкент клуби томонидан тақдим этилган ҳужжатларни ўрганиб чиқди ва ҳозирча ушбу ўйинчининг “шерлар” сафида ўйнашига тўсқинлик қилувчи жиҳат кўраётгани йўқлиги айтилди.
Бир ойдан бери “мавзу”га айланиб, икки ўт орасида қолаётган Турғунбоев Осиё Кубогида ўзини кўрсата олмади.
“Пахтакор” ПФЛга Турғунбоевни ҳам ОЧЛ қайдномасига қўшиб қўйгани борасида “Навбаҳор” ҳеч қандай реакция билдирмади. Ёки буни яна озроқ кутсак “Навбаҳор” клуби расий сайтида эмас, балки мухлисларнинг телеграмдаги саҳифасида ўқишимиз мумкин.
“Пахтакор” асосий рақобатчиси “Локомотив” етакчиси – Марат Бикмаевни ўз сафига қўшиб олди. Клуб матбуот хизмати ушбу трансфер борасида маълумот бермаган бўлса ҳам ҳужумчини янги мавсумда “шерлар” таркибида кўришимиз аниқ.
Одатда, бир мавсум “Боруссия Д”да порлаган футболчи кейинги йили “Бавария”да кўриниш берарди. Охирги йиллардаги “Пахтакор” айнан мюнхенликларнинг йўлидан бормоқда. “Насаф”да яхши ўйнаган футболчи кўз очиб юмгунча “Пахтакор”га ўтмоқда.
Аввалига Элдор Суюнов ва Шерзод Аъзамовни, кейинчалик эса Акмал Шораҳмедов, Дилшод Раҳматуллаев, Баҳром Абдураҳимов, Фаррух Сайфиев ҳамда Драган Черан қўшиб олинди. Ҳўш, натижачи?
“Насаф”нинг шунча футболчисини “талон-тарож” қилган “Пахтакор” энди Санжар Қувват билан ҳам келишувга эришди. Шота Арвеладзега Ўзбекистондан таклиф тушганда, жамоани ўрганиш учун интернетга кириб “Пахтакор”ни “Насаф” деб ўйлаган шекилли.
Тўғри, футболчилар молиявий томондан бақувват клубга, жамоалар эса яхши футболчиларга интилиши табиий ҳол. Бу жаҳон футболида ҳам учраб туради. Бой клублар бутун дунеда ўртамиёна ёки ундан пастроқ клублардан энг яхши футболчиларни сотиб олади. Бу бозор иқтисодиёти. Аммо ҳар доим ўзига рақобат туғдирган жамоа етакчиларини “тортиб” олиниши камдан-кам учрайди.
Тошкент клуби 2017 йили йўлини тўсган “Насаф”ни, ўтган йили бироз бош оғриғи бўлган “Навбаҳор”ни ва чемпион “Локомотив”ни рақобатдан чиқармоқда.
Ушбу харидларидан сўнг “Пахтакор” легионерлар хизматидан воз кечиши тобора ойдинлашмоқда. Безерра ўзини бошқа чемпионатда синаб кўрмоқчи. Эшитишимизга қараганда, Исмоил Гонсалвеш ҳам клубни тарк этган. Биргина Марко Симич қолди. Аммо у ҳам “Пахтакор”дан кетиши мумкин. Чунки марказий ҳимояга Рустам Ашурматов варианти илгари сурилмоқда. Ҳар ҳолда Ашурматовнинг ўзи “шерлар” томонидан қизиқишлар бўлаётгани ва музокаралар давом этаётганини айтганди.
“Пахтакор” аввалига Шота Арвеладзени олиб келди, бўлмади. Кейинги йил легионерлар борасида “юриш” қилди ва “Насаф”нинг деярли барча асосий футболчиларини оғдириб олди, ўхшамади. Энди Ўзбекистоннинг энг кўзга кўринган ўйинчиларини сафига қўшиб олмоқда. Бу орқали Шота Арвеладзе рақобатсиз Суперлигада чемпионликка эришмоқчига ўхшайди.
Афтидан “Пахтакор” энди АГМК билан рақобат қиладиган кўринади. Зўр қарама-қаршилик!
Фикрлар
Man 1 soatcha oldin silardan ro'yxatdan otgandim tasdiqlash kodi qayta qayta keliapdi 1 daqiqada 27 tagacha keliapdi 5454 dan Ucell kompaniaga aytsam aval br kod berdi tersam bolmadi yana bog'landim ucell bilan ular Sport.uz di ozi bilan bog'lanib koring dedi
Man 1 soatcha oldin silardan ro'yxatdan otgandim tasdiqlash kodi qayta qayta keliapdi 1 daqiqada 27 tagacha keliapdi 5454 dan Ucell kompaniaga aytsam aval br kod berdi tersam bolmadi yana bog'landim ucell bilan ular Sport.uz di ozi bilan bog'lanib koring dedi