Перес Роналдунинг жамоадан кетганини сешанба куни расман эълон қилади

Мадриднинг “Реал” клуби ҳужумчиси Криштиану Роналду фаолиятини “Ювентус”да давом эттиришга жуда яқин турибди.

Mediaset Premium нашри тарқатган хабарга кўра “қироллик клуби” президенти Флорентино Перес сешанба куни бўлиб ўтадиган директорлар кенгаши йиғилишида 33 ёшли португалиялик футболчининг жамоадан кетгани ҳақида расман эълон қилади.

Бундан ташқари Роналдунинг ўзи ҳам кенг оммага жамоадан ўз хоҳишига кўра кетаётганини эълон қилиши керак. Акс ҳолда “Реал” раҳбарияти унинг трансфер нархини “Ювентус” истаётган 100 млн еврогача пасайтирмайди.