Перишич "Интер"даги келажаги борасида бир қарорга келди

Миланнинг "Интер" клуби хавбеки Иван Перишич жамоада қолишга қарор қилди. Бу ҳақда Calciomercato нашри хабар бермоқда.

Эслатиб ўтамиз, қишки трансферлар даврида Перишич “Арсенал”га кўчиб ўтиш истагини билдираётган эди. Ўз навбатида “нерадзуррилар” ҳам хорватиялик футболчини 40 млн евро эвазига қўйиб юборишга тайёрлигини билдиришган. Бироқ, номаълум сабабларга кўра ушбу трансфер амалга ошмай қолган эди.

Маълумот учун, Перишич “Интер” сафига 2013 йил “Вольфсбург”дан 16 млн евро эвазига келиб қўшилган эди. Унинг миланликлар билан амалдаги шартномаси эса 2022 йилга қадар имзоланган.

Иван Перишич жорий мавсум “Интер” сафида жами 30та ўйин ўтказди ва ўз ҳисобига 4та гол ҳамда 3та голли узатма ёздириб қўйишга эришди.