Рафинья: Биз Неймар ҳақида гаплашмаймиз

Каталониянинг "Барселона" клуби ярим ҳимоячиси Рафинья Алькантара айни дамда ПСЖда тўп сураётган собиқ жамоадоши Неймарнинг яна “кўк-анор ранглилар”га қайтиши мумкинлиги борасидаги миш-мишларга ўз муносабатини билдириб ўтди.

“Неймар? Биз у ҳақда гаплашмаймиз. Бироқ, футболчи сифатида, қолаверса “Барселона”нинг бир мухлиси сифатида ҳам унинг қайтиб келишидан хурсанд бўлган бўлардим. Бу қарорни Неймарнинг ўзи қабул қилиши керак. Унинг “Барса” учун қилган меҳнатларини ва келажакда амалга ошириши мумкин бўлган хизматларини инобатга олганда, бу жуда яхши харид бўлган бўларди.

У Барселонани соғинадими? Албатта, у дунёнинг энг чиройли шаҳарларидан бири”, - дейди бразилиялик футболчи.

Эслатиб ўтамиз, Неймар 2017 йилнинг ёзида 222 млн евро эвазига “Барселона”дан ПСЖга кўчиб ўтган эди.