Рамос Роналду билан хайрлашди

Мадриднинг “Реал” клуби ҳимоячиси Серхио Рамос бугун “Ювентус” билан шартнома имзолаган жамоадоши Криштиану Роналду билан хайрлашди.

“Криштиану, сенинг голларинг, сенинг статистиканг ва биз биргаликда эришган ютуқларимиз ўзи сен ҳақингда сўзлайди. Сен “Реал” Мадрид тарихидаги муҳим ўринлардан бирини эгаллайсан. “Реал” мухлислари доимо сени эслаб қолишади. Сен билан бир жамоада ўйнаш ёқимли эди. Сенга омад тилайман!”, - деб ёзади 32 ёшли футболчи ўзининг твиттердаги саҳифасида.

Эслатиб ўтамиз, Роналду ва Рамос 9 йил давомида "Реал" сафида бирга тўп суришди.