"Реал" 20 ёшли аргентиналик футболчи билан келишувга эришди

"Реал" Мадрид Аргентинанинг "Ривер Плейт" клуби ярим ҳимоячиси Эсекиэль Паласиоснинг трансфери борасида келишувга эришди. Бу ҳақда Goal.com хабар бермоқда.

Унга кўра 20 ёшли аргентиналик футболчи “қироллик клуби” билан 5 йиллик шартнома имзолайди, мадридликлар эса Аргентина клубига бунинг учун 15 миллион евро тўлайди.

Таъкидлаш керакки, Паласиосга шунингдек  "Атлетико" ва "Барселона" клублари ҳам даъвогарлик қилишган эди.

Маълумот учун, Эсекиэль Паласиос жорий мавсум "Ривер Плейт" сафида жами 8та ўйинда майдонга тушди ва ўз ҳисобига 1та гол ҳамда 2та голли узатма ёздириб қўйишга эришди.