"Real" Beylni sotishga tayyor

Madridning "Real" klubi rahbariyati jamoa vingeri Garet Beylni sotib yubormoqchi. Bu haqda Sunday Express nashri xabar bermoqda.

Yuqoridagi manbaaga ko‘ra “qirollik klubi” rahbariyatining yaqindagina bo‘lib o‘tgan yig‘ilishida aynan 29 yoshli uelslik futbolchining jamoadagi kelajagi muhokama qilingan. Rahbariyatning ko‘pchilik vakillari joriy mavsum yakunida Beylni sotishni yoqlab ovoz bergan.

Eslatib o‘tamiz, bundan avvalroq Londonning “Chelsi” klubi Azar evaziga “Real”dan Beylni so‘ramoqchi ekanligi haqida xabarlar tarqalgan edi.