"Реал" Игуаинни Мадридга қайтармоқчи

Мадриднинг "Реал" клуби раҳбарияти жамоа тўпурари Криштиану Роналдунинг трансферига "Ювентус" ҳужумчиси Гонсало Игуаинни қўшилишини сўрамоқда.

Хабарларга қараганда “қироллик клуби”дагилар айнан 30 ёшли аргентиналик форвард беш карра “Олтин тўп” соҳибининг жамоадаги ўрнини боса олади деб ҳисоблашмоқда. Таъкидлаш керакки, ўз навбатида туринликлар ҳам Игуаинни жамоадан кетишига қарши эмас.

Маълумот учун, Игуаинга "Сантьяго Бернабеу" бегона эмас. Боиси у 2007-2013 йилларда “Реал” шарафини ҳимоя қилган.