"Реал" Роналдуга муносиб ўринбосарни аниқлади

"Реал" клуби раҳбарияти жамоа ҳужумчиси Криштиану Роналду "Ювентус"га ўтиб кетганидан сўнг унинг ўрнига муносиб ўринбосар қидиришда давом этмоқда.

Мадрид клуби ҳозирда бу ўринга "Интер" аъзоси Мауро Икардини муносиб номзод деб қарамоқда, дея хабар беради Goal нашри. Клуб раҳбарияти 25 ёшли аргентиналик футболчининг Роналду ўрнини билдирмаслигига ишончи комил.

Шунингдек, Икарди номзодини "қироллик клуби" президенти Флорентино Перес фаол қўллаб-қувватламоқда.

Икарди ўтган мавсум "Интер" сафида 36 ўйинда 29 голга муаллифлик қилган.