"Реал" қишда АПЛнинг икки юлдузини ўз сафига қўшиб олмоқчи
Мадриднинг "Реал" клуби қишки трансферлар даврида иккита йирик харидни амалга оширмоқчи.
The Sun нашри тарқатган хабарга кўра “қироллик клуби”нинг эътибори "Тоттенхэм" хавбеки Кристиан Эриксен ҳамда "Манчестер Юнайтед" форварди Маркус Рэшфордларга тушган. Мадридликлар ушбу икки АПЛ юлдузи учун 100 млн евродан ортиқроқ маблағ сарфлашга тайёр.
Маълумот учун, 26 ёшли даниялик футболчи жорий мавсум “шпорлар” сафида жами 13та ўйинда майдонга тушди ва ўз ҳисобига 1та гол ҳамда 4та голли узатма ёздириб қўйишга эришди. Унинг тахминий трансфер баҳоси эса 80 млн еврони ташкил этади.
21 ёшли англиялик футболчи эса жорий мавсум МЮ сафида жами 13та ўйинда майдонга тушиб, ўз ҳисобига 2та гол ҳамда 1та голли узатмага ёздириб қўйишга эришган. Унинг тахминий трансфер баҳоси эса 65 млн еврони ташкил этади.
Фикрлар