"Реал" тарбияланувчиси Моуриньонинг ваъдасини ҳамон унутгани йўқ

"Реал" Мадрид клуби тарбияланувчиси Хосе Родригес жамоанинг собиқ устози Жозе Моуриньо унга қандай ваъда бергани ҳақида гапириб ўтди.

“Моуриньо мени дунёдаги энг машҳур лўлига айлантиришга ваъда берган. Мен эса унинг бу сўзларидан сўнг ўзимни кулгидан тўхтата олмаганман. Дунёнинг энг кучли мураббийи менга бу сўзларни айтганида ичимдан қандай ҳиссиётлар ўтганини тасвирлай беролмайман. Орадан 6 йил ўтди, аммо мен буни унутганим йўқ”, - дейди 23 ёшли футболчи.

Маълумот учун, Родригес 2012 йил Моуриньо қўл остида"Реал"да дебют қилган. Айни дамда эса у Голландиянинг "Фортуна Ситтард" клубида тўп сурмоқда. Унинг трансфер ҳуқуқи эса Исроилнинг "Маккаби Тель-Авив" клубига тегишли.