Роббен бугун "немис класикоси"да "Бавария"га ёрдам беролмайди

Мюнхеннинг “Бавария” клуби вингери Арьен Роббен бугун “Боруссия” Дортмундга қарши муҳим ўйинни ўтказиб юборади.

Клуб расмий твиттери берган маълумотларга кўра 34 ёшли голландиялик футболчининг тиззасида кичик жароҳат бор. Таъкидлаш керакки, Роббен жорий мавсум “Бавария” сафида жами 13та ўйинда майдонга тушиб, ўз ҳисобига 3та гол ҳамда 3та голли узатма ёздириб қўйишга эришган.

Эслатиб ўтамиз, “Боруссия” Дортмунд – “Бавария” баҳси бугун Тошкент вақти билан соат 22:30да бошланади.