Роналдунинг кетгани "Реал" мухлислари сонини ҳам камайтириб юбордими?

Кеча Испания Ла Лигасининг 1-тури доирасида Мадридда бўлиб ўтган "Реал" ва "Хетафе" (2:0) жамоалари ўртасидаги учрашувни томоша қилиш учун стадионга жами 48 466 ишқибоз ташриф буюрди.

Эътиборлиси, бу 2008/09 йилги мавсумдан буён кузатилган энг паст кўрсатгич бўлди. Ўшанда Хуанде Рамос бошчилигидаги “Реал” ўз майдонида “Мальорка”га (1:3) имкониятни бой бериб қўйган эди.

Айтиш лозимки, ушбу баҳс “қироллик клуби”нинг кўп йиллик етакчиси Криштиану Роналду жамоадан кетгач "Сантьяго Бернабеу"да ўтказган илк учрашув эди.