Samarqandda engil atletika bo‘yicha O‘zbekiston chempionati tashkil etiladi

31 yanvar – 1 fevral kunlari Samarqand shahridagi ixtisoslashtirilgan olimpiya zaxiralari maktab internati manejida 2006-2007 yillarda tavallud topgan sportchilar o‘rtasida engil atletika bo‘yicha O‘zbekiston chempionati bo‘lib o‘tadi. Bu haqda Milliy olimpiya qo‘mitasi rasmiy  sayti xabar bermoqda.

Chempionat davomida sportchilar 60, 300, 600, 1000 metrga yugurish, 60 metrga to‘siqlar osha yugurish, yadro uloqtirish, uzunlikka sakrash, balandlikka sakrash, 4x200 estafeta yo‘nalishlarida o‘zaro bellashadilar.

Bugun atletlar musobaqa o‘tkaziladigan joyga etib borishadi. Ertaga esa ochilish marosimi va dastlabki bahslar tashkil etiladi.