Сарри Куртуанинг трансфери бўйича ўз фикрни билдирди

"Челси" клуби бош мураббийи Маурицио Сарри жамоа дарвозабони Тибо Куртуанинг агентининг сўзларига ўз фикрини билдирди. Эслатиб ўтамиз, кипернинг агенти Тибо жамоани тарк этишни хоҳлаётганини айтиб ўтганди.

- Агентнинг сўзлари мени қизиқтирмайди. Қандай хабар бўлишига қарамай буни Куртуанинг ўзи менга хабар бериши даркор. Ўйлашимча, эртага у ҳам жамоани тарк этишни хоҳлаётганини менга айтиб ўтади.
Нима бўлишига қарамай, мен "Челси" сафида юқори даражадаги футболчиларни кўрмоқчиман, - дея Саррининг сўзларидан иқтибос келтиради Sky Sports нашри.

Аввалроқ хабар берганимиздек, Тибо фаолиятини "Реал Мадрид"да давом эттиришни хоҳлаётганини таъкидлаб ўтганди.

Маълумот учун, кипернинг "аристократлар" билан шартномаси 2019 йилга қадар имзоланган.