Собиқ футболчи боксчилик фаолиятини якунглаганини эълон қилди

Анлиялик собиқ футболчи, ҳозирда профессионал боксда фаолият олиб бораётган Леон Маккензи боксчилик фаолиятини якунлаганини эълон қилди.

39 ёшли чарм қўлқоп устаси шанба куни бўлиб ўтган жангидан сўнг шундай қарорга келди. У супер ўрта вазн тоифасида Буюк Британия чемпионлиги учун Марчелло Рендга қарши баҳсда кечган мағлубиятга учради.

"Менинг ақлим ва юрагим бокс тушишни истамоқда. Бироқ танам бунга "рози бўлмаяпти". Шанба куни мен рингда барча кучимни ишлатдим. Сўнгги жангларимда эса мен 40 ёшга кираётганлигимни сездим", - деб айтиб ўтди Маккензи.

Маълумот учун Леон шанба кунги жангнинг 9-раундида техник нокаут билан мағлуб бўлди. 18 йиллик футболчилик фаолияти давомида "Кристал Пэлас" ва "Норвич" сингари жамоаларда тўп сурган Маккензи 2013 йилнинг январида футболчилик фаолиятини якунлаган ва шу йилнинг июнь ойида эса ўзининг илк жангини ўтказган эди.

Ўзи умуман, Маккензи шу вақтга қадар 9 та жангда иштирок этди.