“Сток Сити” ўз сафига “Ливерпул”нинг собиқ футболчисини қўшиб олди

"Хаддерсфилд" клуби хавбеки Том Инс фаолиятини "Сток Сити"да давом эттирадиган бўлди.

Клуб расмий сайти тарқатган хабарга кўра 26 ёшли футболчи янги жамоаси билан 2022 йилга қадар шартнома имзолаган, “Сток Сити”  эса ушбу трансфер учун 11 млн евро сарфлаган.

Эслатиб ўтамиз, “Сток Сити” ўтган мавсум премьер-лигада  муваффақиятсизликка учраган ва кучлилар сафини тарк этган эди.

Маълумот учун, Инс ўтган мавсум "Хаддерсфилд" сафида жами 37та ўйинда майдонга тушган ва ўз ҳисобига 3та гол ёздириб қўйишга эришган.

Таъкидлаш керакки, Том Инс фаолияти давомида "Ливерпуль", "Ноттс Каунти", "Блэкпул", "Кристал Пэлас", "Халл Сити", "Ноттингем Форест" ҳамда "Дерби Каунти" клубларида ҳам тўп сурган.