Суарес: Неймар "Барселона"дан Месси туфайли кетмаган

“Барселона” форварди Луис Суарес бразилиялик собиқ жамоадоши Неймарнинг ПСЖга ўтиши борасида ўз фикрини билдириб ўтди.

“Неймар биринчи мавсумнинг ўзидаёқ жамоага мослашиб кетди ва нималарга қодир эканлигини кўрсатди. У Мессидан ўзини олиб қочганми? Йўқ, бундай нарсани сезмаганман. У “Барса”да дунёнинг энг кучли футболчилари учлигига кирди, кейин эса кетишга қарор қилди. Ҳамма уни Месси туфайли кетди деб ўйлайди. Лекин мен бунинг сабаби бошқа деб ҳисоблайман. Яхшиси бу саволни унинг ўзига бериш керак”, - дейди уругвайлик ҳужумчи.

Эслатиб ўтамиз, Неймар 2017 йилнинг ёзида 222 млн евро эвазига “Барселона”дан ПСЖга кўчиб ўтган эди.