"Вальядолид" президенти: "Барселона"нинг эътирозларини тушунаман

"Вальядолид" клуби президенти Карлос Суарес кеча "Барселона"га (0:1) қарши ўйинда майдоннинг ҳолати бўйича ўз фикрини билдириб ўтди.

“Майсани ўзгартира оламизми, очиғи билмайман. Биз майдон ажойиб бўлишига умид қилган эдик, лекин амалда тескариси бўлди. Мен бу масалада Ла Лигани айбламайман, барча айб ўзимизда. Агар бизни жазолашса, бу ҳақли жазо бўлади.

Қолаверса, мен “Барселона”нинг бу борадаги эътирозларини тушуниб турибман”, - дейди Суарес.

Эслатиб ўтамиз, бундан аввалроқ “Барселона” майдонни ҳолати бўйича Ла Лигага шикоят қилган ва ўз навбатида ташкилот бунинг учун "Вальядолид"ни жазолашини айтган.