Ван дер Ваарт: Моуриньонинг “Реал”га қайтиши тарафдориман

"Реал" Мадрид клуби собиқ ярим ҳимоячиси Рафаэль ван дер Ваарт португалиялик мутахассис Жозе Моуриньонинг яна “қироллик клуби”га қайтишини қўллаб-қувватлайди.

“Менга Моуриньонинг тўғрилиги ва очиқлиги жуда ҳам ёқади. Бундай инсонларни Голландияда яхши кўришади. Мен унинг “Реал”га қайтиши тарафдориман. У – ҳақиқий чемпион. Жозе фаолияти давомида кўп нарсаларни ютди. У нафақат ажойиб мураббий, балким яхши инсон ҳамдир”, - дейди голландиялик футболчи.

Эслатиб ўтамиз, 55 ёшли Моуриньо “Реал”ни 2010-2013 йилларда бошқарган.