Йерри Минанинг "Манчестер Юнайтед"да қанча маош олиши маълум бўлди

Каталониянинг "Барселона" клуби ҳимоячиси Йерри Минанинг "Манчестер Юнайтед"га ўтиши тобора ойдинлашиб бормоқда.

El Mundo Deportivo нашри тарқатган хабарга кўра 23 ёшли колумбиялик футболчи "Олд Траффорд"га кўчиб ўтгач МЮ билан 5 йиллик келишув имзолайди. Унинг маоши эса йилига 8,5 млн еврони ташкил этади. Ўз навбатида ушбу трансфер учун манкуанликлар Каталония супер клубига 39 млн евро товон пули тўлашмоқчи. Бироқ, “Барселона”дагилар таклиф этилаётган маблағдан 6 млн евро кўпроқ, яъни 45 млн евро сўрашмоқда.

Эслатиб ўтамиз, Мина “Барселона” сафига жорий йилнинг январида Бразилиянинг “Палмейрас” клубидан келиб қўшилган эди.