Юрген Клинсманн АҚШ терма жамоасидаги фаолияти давомида қанча маош олгани маълум бўлди

АҚШ терма жамоаси собиқ бош мураббийи Юрген Клинсманн океан ортидаги фаолияти давомида қанча даромад олгани маълум бўлди.

FOX Sports тарқатган хабарга кўра АҚШ футбол федерацияси 2011 – 2016 йилларда терма жамоани бошқарган 54 ёшли германиялик мутахассис учун жами 3,35 миллион доллар маош тўлаган.

Эслатиб ўтамиз, Клинсман 2013 йилда АҚШ терма жамоаси билан шартномасини 5 йилга узайтирган эди. Аммо, муваффақиятсиз натижалардан сўнг у 2016 йилда муддатидан аввал истеъфога чиқарилган эди.