"Ювентус" президенти Роналду билан учрашиш учун Грецияга борди

Туриннинг "Ювентус" клуби президенти Андреа Аньелли бугун Криштиану Роналду билан музокара ўтказиш учун Грецияга учиб кетди. 

ESPN US хабарига кўра, Аньелли ўзининг шахсий самолётида Грециянинг Каламату шаҳрига учиб кетган. Хабардай айтилишича, италиялик функционер у ерда Роналду билан шартоманинг сўнгги бандлари борасида музокаралар ўтказади. 

Шунингдек, итальян ОАВда ёзилишича, Роналду 6 июлдаёқ "кекса синьора" устози Массимилиано Аллегри билан телефон орқали мулоқот қилган.

Илгарироқ, "Ювентус" Роналдуни 100 млн евро эвазига сотиб олиши ва унга йилига 30 млн евро маош тўлаши ҳақида хабарлар пайдо бўлган эди.