Зидан: Роналду учун мавсумда 50 та гол – бу нормал ҳолат

Мадриднинг “Реал” жамоаси бош мураббийи Зинедин Зидан “Атлетико”га қарши (1:1) Ла Лига 31-тури ўйинидан кейин ўз фикрини билдирди ва Роналдунинг захирага олиниши сабабини тушунтирди.

“Криштиану учу мавсумда 50 та гол – бу нормал ҳолат. У бутун умр шундай ўйнаб келмоқда. Афсуски, бизда худди шунча гол урадиган бошқа футболчи йўқ. Роналду таркибда бўлгани албатта яхшироқ.

Уни захирга олишимдан сабаб – олдинда қийин ўйинлар турибди ва унга бироз дам олиш имконини бериш лозим. Шунга қарамай, у кундан кунга ўзини янада яхшироқ ҳис қилмоқда. Буни унинг ўйинидан ҳам кўриш мумкин.

“Атлетико” билан ўйин натижасидан мамнунман, бироқ яхшироқ натижага эришишимиз мумкин эди. Лекин мағлубиятга учрашимиз ҳам ҳеч гап эмасди. Уч очко ола билмаган бўлсак-да, ўйиндан кўнглим тўлди”, – деди франциялик мутахассис.