А Серия. "Аталанта" сўнгги ўриндаги жамоани мағлуб этди

А Серия 34-туридан ўрин олган "Венеция" - "Аталанта" ўйини якунланди. Унда меҳмонлар 3:1 ҳисобида ишончли ғалабани қўлга киритди.

Бергамоликлар сафида голлар Пашалич, Сапата ва Муриэль ҳисобига ёзиб қўйилди. Мезбонларнинг ягона голига Чрнигой муаллифлик қилди.

Шу тариқа, "Аталанта" очколари сонини 54 тага етказиб олди. Клуб айни пайт жадвалда 8-ўриндан жой олган.

"Венеция" ҳисобида 22 очко мавжуд бўлиб, жамоа сўнгги поғонани банд этган.