А Серия. "Интер" охирги дақиқаларда гол ўтказиб, яна очко йўқотди

Италия А Сериясининг 29-туридан ўрин олган "Салернитана" - "Интер" баҳси бўлиб ўтди. Унда томонлар 1:1 ҳисобида дуранг ўйнади.

Дастлаб, 6-дақиқада Госенс миланликларни ҳисобда олдинга олиб чиқди. 90-дақиқа ўтиб бораётган бир пайтда эса Кандрева мувозанатни тиклади.

Шу тариқа, "Интер" 1 очкони қўлга киритиб, 51 очко билан турнир жадвалида 3-ўринда қолди. "Салернитана" 29 очко тўплаган ҳолда 15-ўринни банд этган.