А Серия. Марказий ўйинда ғалаба қозонган "Милан" пешқадамликни қўлга олди

Италия А Серияси 8-туридан ўрин олган "Наполи" - "Милан" учрашуви ўз якунига етди. Унда меҳмонлар 3:1 ҳисобида зафар қучди.

"Россонеррилар" юлдузи Златан дублни расмийлаштирган бўлса, Йенс-Питер Хауге бир бор рақиб постини ишғол қилишга муваффақ бўлди. Неаполликлар сафида ушбу голларга Дрис Мертенс ягона голи билан жавоб қайтара олди.

Ушбу ғалаба миланликларни 1-ўринга қайтарган бўлса, "Наполи" 6-поғонани банд этган.

• 90+6'
  

  Учрашув якунланди! Матнли трансляция Жавоҳир Азимов томонидан олиб борилди.

• 90+5'

  ГООООООООООЛЛЛЛЛЛЛ! Хауге ўйинга нуқта қўйди!

  Марказда тўпни қабул қилган Хауге ажойиб рейд уюштириб, дарвозабон устидан тўпни ошириб қўйди.

• 90+3'
  

  Франк Кессига тиббий ёрдам кўрсатилмоқда.

• 90+1'
  

  Ҳимоячидан яхши қоча олган Коломбонинг зарбасини Мерет бартараф этишга муваффақ бўлди.

• 90'
  

  Ўйиннинг асосий вақтига 5 дақиқа қўшиб берилди.

• 88'

  Фабиан Руиснинг узоқ масофадан йўллаган зарбаси устунга тегди.

• 86'
  

  Карточкалар бироз кўпайиб кетди: бу сафар Кастильехо огоҳлантирилди.

• 84'

  "Милан" яхши ҳужум уюштирди. Бироқ сўнгги нуқта қўядиган футболчи етишмаяпти.

• 81'
  

  Марио Руи сариқ карточкага лойиқ кўрилди.

• 79'
  

  Жароҳат олган Златан ўрнига Лоренцо Коломбо ўйинга қўшилди.

• 78'
  

  Златанга тиббий ёрдам кўрсатилмоқда.

• 76'
  

  Франк Кесси огоҳлантирилди.

• 74'
  

  Анте Ребич ҳамда Алексис Салемакерс захирга олинди. Улар ўрнига Йенс Хауге ва Самуэль Кастильехо ўйинга қўшилди.

• 73'
  

  Андре Петанья қулай имкониятни кўкка совурди. Унинг зарбаси кучсиз чиқди ва дарвозабонга ортиқча муаммо туғдира олмади.

• 70'

  Назорат майдон эгалари томонга ўтиб кетди. "Милан" ҳимоячда тартибли ўйнашга ҳаракат қиляпти.

• 68'
  

  Маттео Политано ўрнига Андреа Петанья майдонга тушди.

• 65'
  

  Тьемуе Бакайоко иккинчи сариқ карточкасини олиб, майдондан четлатилди.

• 63'
  

  ГООООООООООООЛЛЛЛЛЛЛЛЛ! Мертенс ҳисобни қисқартирди.

  Жарима майдони ичида рақиби хатосидан унумли фойдаланган Мертенс гол киритди.

• 60'

  Златаннинг навбатдаги голи офсайд туфайли инобатга олинмади.

• 59'
  

  Анте Ребич огоҳлантирилди.

• 56'
  

  петр Зельинмкий майдонга тушади.Ирвинг Лосано ўрнига 

• 54'
  

  ГООООООООООЛЛЛЛЛЛЛ! Златан дулбни расмийлаштирди.

  Жарима майдонига узатилаган тўпни Ибрпгимович дарвозага йўллади.

• 53'
  

  Маттео Политанонинг зарбасидан кейин фақатгина бурчак тўпи ишлаб олинди.

• 50'

  "Наполи" тики-такани яхши уддаламоқда.

• 48'
  

  Давиде Калабрия огоҳлантирилди.

• 46'
  

  Иккинчи тайм бошланди!

• 45+3'
  

  Танаффус!

• 45+2'

  Тайм сўнгини миланликлар фаол ўтказяпти.

• 45'
  

  Биринчи бўлимга 3 дақиқа қўшиб берилди.

• 43'
  

  Франк Кессига тиббий ёрдам керак.

• 42'

  Стандарт вазиятдан жарима майдонига оширилган тўпни "Милан" футболчилари катта қийинчилик билан бартараф этди.

• 39'

  Мезбонлар рақиб жарима майдонига ёриб киришга қийналяпти. Шу сабабли, узоқ масофадан тез-тез зарбалар гувоҳига айланяпмиз.

• 37'

  Гаттузо шогирдлари ўйин тизгинини қўлга олди. Бу сафар Кулибали зарба берди.

• 35'

  Лосанонинг зарбаси хавфли чиқди. Бироқ озгина ноаниқ.

• 34'
  

  Миланликларнинг бурчак зарбасини қайтариб, дарҳол қарши ҳужумга ўтган неаполликлар яхши қарши ҳужум уюштирди.

• 34'

  Калабрия узоқ масофадан ўз омадини синаб кўрди. Тўп йўлига ҳимоячилар ғов бўлишди.

• 31'

  Политанонинг зарбасига аниқлик етишмади.

• 29'
  

  Яна бир зарбани Доннарумма қайтаришга эришди.

• 27'
  

  Майдон эгалари "россонерилар" ҳимоясидаги саросимадан фойдаланиб, кетма-кет зарбалар йўллади. Бироқ тўп дарвозага киришни истамади. Гоҳ дарвозабон, гоҳ тўсин тўпни қарши олди.

• 24'

  "Милан"нинг тезкор қарши ҳужумини Ребич давом эттирди. Унинг узатмасини дарвозабон ушлаб олди.

• 22'

  Гол ўтказиб юборган неаполликлар фаолликни оширди.

• 20'
  

  ГООООООООООЛЛЛЛЛЛЛ! Златан ҳисобни очди!

  Теонинг заргарона узатмасини Ибрагимович дарвозага жойлаб қўйди!

• 19'
  

  Жарима майдонига узатилган тўпни Кулибали узоқлаштирди.

• 16'
  

  Бакайоко рақибига нисбатан қоида бузди. Ҳакам уни огоҳлантирди.

• 14'

  Бу сафар ҳам Салемакерс эътибор марказида: Унинг узоқ масофадан йўллаган зарбасига аниқлик етишмади.

• 12'

  Майдон марказида Салемакерс рақибига нисбатан жиддий қўполлик ишлатди. Ҳакам бу сафар уни аяди.

• 10'
  

  Чалҳанўглунинг узоқ масофадан йўллаган зарбасини Мерет қайтарди.

• 9'

  Златаннинг узатмасидан кейин Ребич тўпни дарвозага тўғирлаб юбора олмади. Қулай имконият қўлдан бой берилди.

• 8'

  Энди миланликлар тўпни ўзларида ушлаб турибди. Ҳар икки жамоа прессингда ўйнашни яхши билади. Бу борада ҳам кучли қарама-қаршилик кўрамиз.

• 6'
  

  Тўпни қайтариш давомида Симон Кьер оёқ пайларини қўзиб олганлиги ойдинлашди. Унга тиббий ёрдам кўрсатиляпти.

• 5'

  Политано катта тезликда қарши ҳужумга югурди ва шеригига тўп оширди. Кьер хавфни бартараф этди.

• 3'

  Майдон эгалари илк дақиқалардан тўп назоратини қўлга олишга интилмоқда.

• 1'
  

  Учрашув бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади.