А Серия. "Наполи" "Сассуоло"ни ер тишлатди

А Серия 35-туридан ўрин олган "Наполи" - "Сассуоло" баҳси бўлиб ўтди. Унда мезбонлар йирик 6:1 ҳисобида рақибдан устун келди. 

Неаполликлар таркибида Мертенс дубль қайд этди. Шунингдек, Кулибали, Осимхен, Лосано ва Раҳмани ўз номини таблога ёздириб қўйди. Битта жавоб голи Максим Лопес томонидан киритилди. 

Шу тариқа, Спалетти шогирдлари ҳисобидаги очколари сонини 70 тага етказиб олди. Айни вақтда улар Италия чемпионати турнир жадвалида 3-ўринни банд этган. 46 очкоси бор "Сассуоло" 10-поғонада бормоқда.