А Серия ўйинларининг бир нечтаси коронавирус сабаб бекор қилинди

Италия спорт ва ёшлар сиёсати вазири Виненцо Спадафора Ломбардия ва Венето шаҳарларидаги спорт мусобақаларини бекор қилди.

Шу қаторда Италия А Серияси 25-туридан ўрин олган "Интер" – "Сампдория", "Аталанта" – "Сассуоло" ва "Верона" – "Кальяри" баҳслари 23-февраль куни ўтказилмайдиган бўлди.

Ушбу икки шаҳардаги спорт мусобақалари коронавирус таҳдиди сабаб бекор қилинган. Таъкидланишича, Венетода 78 ёшли эркак, Ломбардияда эса 75 ёшли аёл ушбу вирус натижасида халок бўлишган. Шунингдек Италиянинг 10 та шаҳрида карантин ҳолати эълон қилинган.